Ο σύμβουλος Κρήτης Giovanni Belegno παραχωρεί στον Vitale da Coneglano δύο σερβενταρίες, οι οποίες ανήκαν παλαιότερα στον Simeone Stravo και τον Lorenzo Calegario και είχαν περιέλθει στο δημόσιο.

Nos quidem Iohannes Belignus de mandato domini ducis Veneciarum rector Crete manifestum facimus, quia per virtutem et potestatem quam habemus a domino duce Veneciarum damus et concedimus per nos et nostros successores tibi Vitali de Coneglano et tuis heredibus imperpetuum serventarias duas, positas in isto sexterio, que quondam fuerunt Simeonis Stravo et Laurencii Calegarii et erant in nostro comune expeditas, cum omnibus suis racionibus, pertinenciis, possessionibus et villanis et cum eo ordine, quod alii socii tui habent; quas serventarias personaliter defendere debes cum equo uno et arma ferri et facere propriam habitanciam in castello Sithee vel in Mirabello et vardiam unam vel facere fieri et sic ut continetur superius; iurasti atendere et observare bona fide et sine fraude et teneris de obediencia et omnibus aliis capitularibus, salvis capitulis concessionis. Data de mense octubris, MCCXL, indicione XIIIIa, in palacio ducatus Crete, per manum Proquardini cancellarii ducatus Crete.