O δούκας Κρήτης Tommaso Dandolo παραχωρεί στον Radosio Spalatino δύο σερβενταρίες, οι οποίες ανήκαν στον Drasio [Sclavo] da Belvedere, ο οποίος τις είχε κληροδοτήσει στον πρώτο με τη διαθήκη του (1242).

Nos Th. Dandulo duca Crete cum nostro consilio et successoribus nostris manifestum facimus, quia dedimus et concessimus Radosio Spalatino illas duas sergentarias, que fuerunt Drasi de Belvidere in eodem sexterio positas, quas idem Drasi sibi ad suum obitum dimisit, sicut continetur et legitur in quadam testamenti carta, testata et roborata, quam idem Drasi fecit anno Domini MCCXL secundo, mense iulii, indicione XVa, Candide, insule Crete, ut in eo legitur et cetera. Quas tenetur defendere pariter cum sua serventaria de sexterio Sancti Marci pro media milicia cum uno equo de armis cum armis ferris et cum uno scutifero latino. Iuravit itaque concessionem, varnicionem, manifestacionem, obedienciam et cetera capitula iuxta morem et consuetudinem aliorum militum Crete. Data anno MCCXLIII, mense septembris, secunde indicionis, per manum Blasii Baronci plebani cancellarii Crete curie.