Ο δούκας Κρήτης Marco Dandolo παραχωρεί στον Giacomo Piloso μισή καβαλαρία, την οποία είχε αγοράσει από τον Dragizi γαμπρό του Marco da Caorle.

Nos Marcus Dandulo duca Crete cum nostro consilio et successoribus nostris manifestum facimus, quia damus et concedimus Iacobo Piloso et heredibus eius mediam miliciam antedictam, que fuit Dragici generi Marci de Caurole; quam idem Dragici ei vendidit cum omnibus suis habenciis, pertinenciis et villanis. Ipse vero Iacobus tenetur eam defendere personaliter. Iuravit itaque fidelitatem domino nostro duci Veneciarum iuxta tenorem concessionis militum. Hec igitur per nos et successores nostros rata et firma volumus perpetuo permanere. Actum anno Domini MCCLXIIII, mense marcii, die VI exeunte, indicione VIIa.