Ο δούκας Κρήτης Ermolao Zusto παραχωρεί μισή καβαλαρία στον Pietro Borgognono και μισή καβαλαρία στις Anna και Morosina κόρες του Pietro Vassalo. Η καβαλαρία ανήκε στον Pietro Vassalo και είχε βγει σε πλειστηριασμό για την πληρωμή των χρεών του.

Notum facimus nos Hermolaus Iusto ducha Crete cum nostro consilio quod fecimus ex officio nostro et nostra auctoritate publice secundum usum incantari miliciam suprascriptam Petri Vaxallo causa persolvendi debita ipsius Petri, et ipsam miliciam incantatam iam diu nemine comparente qui plus dare vellet deliberari fecimus Petro Brogognono. Quo facto suprascriptus Petrus Brogognono coram nobis dixit et confessus fuit quod pro se non emerat, nisi medietatem milicie supradicte, et aliam medietatem emerat nomine Anne et Morisine filiarum dicti P. Vaxallo. Unde eidem Petro Brocognono concedimus medietatem milicie predicte cum habenciis et pertinenciis suis omnibus ac villanis, quam ipse tenetur defendere personaliter. Iuravit fidelitatem domino nostro duci et cetera capitula. Et reliquam medietatem concedimus cum habenciis et pertinenciis suis omnibus ac villanis supradictis Anne et Morisine filiabus dicti Petri Vaxallo. Ipse vero iuraverunt fidelitatem domino nostro duci et cetera capitula. Tenentur eam servire facere a beneplacitum signorie Crete. Hec igitur per nos et successores nostros rata et firma volumus perpetuo permanere. Actum anno Domini MCCLXXXXI, mense februarii, die X exeunte, indicione V.