Ο δούκας Κρήτης Tommasino Giustinian παραχωρεί στον Marco Abramo την καβαλαρία, που κατείχε ο πατέρας του, Leonardo Abramo. Επειδή είναι ανήλικος θα εκτελεί τη varnitio με εκπρόσωπο.

Nos Thomasinus Iustiniano duca cretensis cum nostro consilio manifestum facimus, quia damus et concedimus Marco Abramo filio quondam Leonardi Abramo antedictam miliciam que fuit predicti patris eius cum omnibus suis habenciis et pertinenciis ac villanis. Quam miliciam ipse tenetur defendere per militum unum et varnire ad beneplacitum nostrum, donec ad etatem perveniat in qua milites ad defensionem miliciarum admittuntur. Iuravit igitur concessionem, varnicionem, manifestacionem, obedienciam et cetera capitula iuxta consuetudinem aliorum militum. Hec itaque per nos et successores nostros rata et firma volumus perpetuo permanere. Data per manum Blasii Baronci primicerii Sancti Marci Crete, nostre curie cancellarii. Anno Domini MCCLIIo, mense novembris, indicione XIa.