Ο δούκας Κρήτης Guido da Canal παραχωρεί στον Marino Abramo του Nicola μια σερβενταρία από την καβαλαρία του ποτέ Frizerio da Chioggia, την οποία είχε αγοράσει σε δημόσιο πλειστηριασμό από τους εκτελεστές της διαθήκης του Frizerio.

Nos Guido de Canale ducha Crete cum nostro consilio damus et concedimus Marino Abramo filio quondam Nicolai Abramo et eius heredibus sergentariam unam de suprascripta milicia quondam Frigerii de Clugia cum habenciis et pertinenciis suis omnibus ac villanis; quam sergentariam ipse Marinus emit publice per incantum a commissariis quondam Frigerii de Clugia pro iperperis DLXXXV post stridacionem de ipsa factam secundum usum. Ipse vero Marinus tenetur ipsam sergentariam insimul cum aliis duabus sergentariis suis de suprascripta milicia defendere personaliter. Iuravit itaque fidelitatem domino nostro duci, nobis et successoribus nostris, varnicionem, concessionem, capitulare obediencie et cetera capitula, iuxta consuetudinem militum Crete. Actum per manum Gerardi Vido presbiteri ecclesie Sancti Vitalis notarii. Anno Domini MCCCV, mense marcii, die X intrante, indicione IIIa.