Ο Tommaso Pantaleo εξουσιοδοτεί τη σύζυγό του, Ailisa, και ταυτόχρονα συντάσσει τη διαθήκη του, καθιστώντας εκτελεστή και πάλι τη σύζυγό του, εφόσον αυτή δεν ξαναπαντρευτεί. Στην περίπτωση αυτή, εκτελεστής της διαθήκης καθίσταται ο νεότερος αδελφός του, Raffaele.

Die XII exeunte. Thomas Pantaleo, habitator in Candida, facit commissionem unam vel plures Aylise, uxori sue, tales quales voluerit ad excucienda bona sua et fictanda, insuper constituit esse suam commissariam eamdem uxorem suam, si voluerit viduare et iurare castitatem, et dompna dominans supra omnibus bonis meis, quousque minor meus filius pervenerit ad etatem et postquam pervenerit ad etatem volo quod etiam habeat victum et vestitum de bonis meis, quousque vixerit, stacium in domo et pro anima mea faciat et distribuat de bonis meis sicut ei bonum videbitur, alioquin habeat yperpera DXXXV racione XII denariorum grossorum ad yperperum, que recepit de sua repromissa pro ea, et sit meus commissarius Rafael, naturalis frater meus minor, pervenerit ad etatem, dimittendo residuum quod habeo heredibus meis, volens quod Helena filia mea habeat pro remissione, si videbitur maiori parti propinquorum meorum simul et suprascripte uxori mee, librae denariorum venecialium M cum eo quod sit conveniens cum bono statu filiorum meorum, alioquin sibi satisfieri de bonis meis, ut maiori parti eorum videbitur, et si dicta filia mea antequam maritaretur obierit, totum quod reliquo remaneat ceteris heredibus meis. Testes Petrus Caravello iuvenis, Bartholomeus Calbo et Pascalis Faber, Petrus Fusculo et Iohannes Trun.