Ο δούκας Κρήτης Marco Dandolo παραχωρεί στον Matteo Mudazzo μια καβαλαρία, την οποία είχε αγοράσει από τον Marino Vido του Giovanni.

Nos Marcus Dandulo duca Crete cum nostro consilio et successoribus nostris manifestum facimus, quia damus et concedimus Matheo Mudacio et heredibus eius miliciam antedictam, que fuit Marini Vido filii quondam Iohannis Vido, quam idem Marinus Vido ei vendidit cum omnibus suis habenciis, pertinenciis et villanis. Ipse vero Matheus Mudacio tenetur eam defendere per socium. Iuravit itaque fidelitatem domino nostro duci Veneciarum secundum tenorem concessionis militum, varnicionem, manifestacionem, capitulare obediencie et cetera captiula iuxta quod consuetudo curie Crete exigit. Hec igitur per nos et successores nostros rata et firma volumus perpetuo permanere. Actum anno Domini MCCLXIIIIo, die V exeunte, mense marcii, indicione VIIa.