Ο δούκας Κρήτης Albertino Morosini παραχωρεί στον Ιωάννη γιο του ποτέ Κολονάρη (Collonari) μια καβαλαρία, η οποία ανήκε στον Leonardo Foscari και είχε περιέλθει στο δημόσιο. Η παραχώρηση πραγματοποιήθηκε ως αντικατάσταση των καβαλαριών που ο πατέρας του κατείχε στην Απάνω Σύβριτο και οι οποίες του είχαν αφαιρεθεί. Ο Ιωάννης θα εκτελεί τη varnitio με αντιπρόσωπο μέχρι την ενηλικίωσή του. Καταχωρίζονται τα ονόματα των βιλάνων της καβαλαρίας.

Nos Albertinus Mauroceno duca cretensis cum nostro consilio et successoribus nostris manifestum facimus, quia damus et concedimus Iohanni filio quondam Colonari et heredibus eius miliciam antedictam, que fuit quondam Leonardi Fuscari, que erat in nostro comuni, pro restauro miliciarum, que prefato Colonari patri eiusdem Iohannis ablate fuerunt in turma de Apanno Sivreto, cum omnibus suis habenciis et pertinenciis ac villanis. Quam miliciam ipse tenetur defendere per sergentem vel militem unum ad voluntatem nostram, donec pervenerit ad etatem annorum sedecim, de inde vero ipse eam personaliter defendere. Iuravit itaque concessionem, varnicionem, manifestacionem, obedienciam et cetera capitula iuxta consuetudinem aliorum militum cretensium. Hec igitur per nos et successores nostros rata et firma volumus permanere. Datum per manum Blasii Baronci primicerii Sancti Marci Crete, nostre curie cancellarii. Anno MCCLV, mense ianuarii, indicione XIIIIa. Habet predictus filius Colonari istos villanos, secundum divisionem factam inter ipsum et Iohannem Cornario, videlicet Michali, Niketa, Sergi et Georgi filius de Luro pro uno homine. Leo Kinigo. Iohannem Clapsino cum suis heredibus. Habet Iohannem filiastrum de Kanaki pro uno de quinque agraffis, quos recipere debet, salva racione omnium, consenciente domino Albertino Mauroceno et eius consilio. Item habet Leondachi generum Iohannis Spilioti salva racione omnium, consenciente eodem duca et eius consilio. Item habet Niketam Agrioianni, qui habitabat apud cassale Rippha, salva racione omnium, consenciente ipso duca et eius consilio.