Ο δούκας Κρήτης Nicola Sanudo παραχωρεί στον Giovanni Goro του Tommaso μισή καβαλαρία, την οποία η μητέρα του Elena Goro είχε αγοράσει από τον πατέρα της Giacomo Grecolo.

Nos Nicolaus Sanuto ducha Crete cum nostro consilio et successoribus nostris notum facimus universis presentem paginam inspecturis, quia damus et concedimus post clamorem inde factum secundum usum nomine comparente Iohanni Goro filio quondam Thome Gorio medietatem milicie suprascripte quondam Iacobi Greculo avi ipsius Iohannis cum omnibus suis habenciis, pertinenciis et villanis. Quam mediam miliciam Helena Goro mater predicti Iohannis, filia predicti Iacobi Greculo emit a predicto Iacobo patre suo. Ipse vero Iohannes tenetur eamdem mediam miliciam defendere et varnire secundum quod alii milites Crete tenentur. Iuravit fidelitatem domino nostro duci Veneciarum, nobis et successoribus nostris, concessionem, capitulare obediencie et cetera, prout consuetudo curie Crete. Actum anno MCCCXI, die ultimo, mense iulii, indicione VIIIIa. Ego Egidius de Iordano diaconus Sancti Gemini, notarius de mandato predicti domini duche et sui consilii scripsi.