Ο Roberto Trevisan μαζί με τον Gabriele Gezo ναυλώνουν μια tareta στους: Pietro Pizzamano, Biagio Zaccaria, Stefano Calbo και Pietro Manolesso για τη μεταφορά προϊόντων από τον Χάνδακα στη Βενετία.

Die IIII intrante. Manifestum facimus nos Rubertus Tervisano habitator in confinio Sancti Canciani et Gabriel Geço de confinio Sancte Margarite patroni unius tarete que vocatur Sancta Maria Oliva quia nauliçamus eam ad statutum Veneciarum de marinariis et caricare eundo hinc usque Venecias per muduam yberni prius venturam, in qua naulicavimus vobis miliaria CXXV racione librarum denariorum venecialium V pro unoquoque miliario Petro Piçamano de confinio Sancti Cassiani, Blasio Çacharia de confinio Sancti Pantaleonis, Stephano Calbo de confinio Sancti Yeremie et Petro Manolesso de confinio Sancti Bernabe miliaria CXXVI racione librarum denariorum venecialium V pro unoquoque miliario, de quibus Petrus Piçamano habet miliaria XLII et Blasius Çacharia et Stephanus Calbo milliaria XLII et Petrus Manulesso miliaria XLII de quibus miliariis potestatem habetis ea mittendi cum nomine et sine homine, et super miliaria XLII debet ire I mercator cum suo servitore et habere debetis III loca ubi vobis placuerit in dicta tareta. Verumtamen potestatem habemus eundi cum dicta nostra tareta hinc in Accon et ibi morandi diebus XV et non plus et inde recedendi ac revertendi hic in portu Candide usque per totum mensem augusti proxime venturum per suprascriptam indicionem, sine Dei impedimento, tamen facere fieri in Accon in hoc viatico debemus II canipos de ancora novos et nobiscum eos huc portare vel ipsos hic recuperare et dicta vestra miliaria debemus tollere de ripa Candide cum nostris marinariis et barcis et ponere in dicta tareta et faciemus vobis fieri bonum skeum si habebitis caseum et dabimus vobis pedotam I pro Sclavonia computatum in numero nostrorum marinariorum recuperando in Accon vel in Creta convenientem aut in Sclavonia ubicumque poterimus et e converso iidem mercatores faciunt similem cartulam eisdem attendere et observare ea que superius dicta sunt. Preterea infra octavum diem postquam de Accon huc iunxerimus dicetis nobis, que milliaria nobis estis daturi vel enbolii vel carici que nobis dabitis ad vestram voluntatem et quando iunxerimus de Accon in dicta Candida tenemini nobis dare vestra miliaria ad caricandum ad nostram voluntatem. Pena inde est nabulum in duplo pro utraque parte. Testes Crisogonus Barbadico. Marcus de Brugneda et Pascalis Faber. Complere et dare.