Ο Raniere Scutaro, ο Giovanni Trantasoldi και ο Giovanni da Porta, πληρεξούσιοι του Paolo da Porta, εκμισθώνουν για λογαριασμό του, στον Angelo Suriano, δυο κήπους στη θέση Kirracea μαζί με τα σπίτια και τα πηγάδια που περιλαμβάνονται και τα οποία προηγουμένως τα είχε νοικιάσει στον Giovanni Spordillo έναντι 25 υπερπύρων.

Die suprascripto. Raynerius Scutario, Iohannes Trentasoldi et Iohannes de Porta omnes habitatores in Candida, per virtutem et potestatem unius commissionis quam sibi fecit Paulus de Porta habitator in Candida anno ab incarnacione Domini nostri Ihesu Christi millesimo ducentesimo sexagesimo nono, mense novembris, die XVI intrante, indicione XIII in eadem Candida ad affictandum inter cetera sua casalia, iardinos, domus et villas ut in ipsa inter cetera continetur, dederunt et concesserunt atque affictaverunt Angelo Suriano habitatori in eadem Candida illos II iardinos de Kirracea cum omnibus suis habenciis et pertinenciis ac domibus et putheis secundum quod ipsos tenebat et possidebat Iohannes Spordillo a kalendis mensis septembris proxime venturis usque ad IIII annos completos ad solvendum annuatim yperpera in Creta currentia XXV, terciam partem silicet in principio cuiuslibet anni et terciam partem complectis quattuor mensibus et reliquam terciam partem finitis aliis IIII mensibus anni, sub pena dupli pro unoquoque termino, ad tenendum dictos iardinos cum suis habenciis et pertinenciis ac domibus in culmine et complecto suprascripto termino ipsos in culmine refutare, ad affictandum et diffictandum et cetera ut confessi sunt. Et e converso idem Angelus Suriano facit similem de dicto affictu solvendo ita plene sicut superius continetur. Testes Matheus scribanus et Pascalis Faber. Complere et dare et solutus sum a dictis procuratoribus Pauli.