Ο δούκας Κρήτης Tommaso Dandolo παραχωρεί στον Giorgio και τον Marco de Lasito του Andrea μια καβαλαρία, τέσσερις σερβενταρίες της οποίας ανήκαν παλαιότερα [στην Giacomina Orso] και οι άλλες δύο στον Antonio Venerese. Παραχωρούνται επίσης και επτά άγραφοι βιλάνοι. Καταχωρίζεται η βουργεζία της καβαλαρίας στον Χάνδακα.

Nos Th. Dandulo duca cretensis cum nostro consilio et successoribus nostris manifestum facimus, quia damus et concedimus Georgio et Marco filiis Andree de Lasyto et eorum heredibus miliciam unam, videlicet sergentarias tres uni et totidem alteri, quas eorum quilibet tenetur defendere personaliter cum equo convenienti et armis fereis et scutiferis latinis. De qua milicia quatuor sergentarie sunt in antedicta milicia, que erant in comuni, et alie due sunt in milicia quondam Antonii Venerese, exceptis villanis et domibus de civitate et terra. Item dedimus septem agraffos cum villanis pertinentibus predictis quatuor sergentariis exceptis qui sunt dati vel francati facti liberi aut mortui. Iuraverunt itaque concessionem, varnicionem, manifestacionem, obedienciam et cetera capitula iuxta modum et consuetudinem aliorum militum et sergentium Crete. Hec vero per nos et successores nostros rata et firma volumus perpetuo permanere. Data per manum Blasii Baronci Sancti Salvatoris de Muro plebani, curie Crete cancellarius. Anno MCCXLIII, die X exeunte februarii, indicione secunda. Hec est terra de civitate pro serventariis II iuxta domum Marchete Bellon, que habet per latitudinem suam passus V et pedem I, firmat ab uno capite versus orientem in calli comuni et aliud caput in muro domus Nicolai Bono, unum latus versus austrum in quodam calli inter ipsam terram et terram Mathei Buldu et aliud versus boram in Marcheta Bellono. Item pro aliis serventariis II domum et terram, que olim fuit Io. Cornario et Villielmi Provincialis prope Iudaicam, que sic confiniat, sicut infra continetur. Item terram vacuam pro aliis serventariis II iuxta terram milicie Io. de Lasyto, habens per suam longuitudinem passsus XIIII et per suam latitudinem passus VI et firmat ab uno capite versus occidentem in uno calli et ab alio versus orientem in terra comunis, ab uno latere versus boram in predicto Io. de Lasito et ab alio versus austrum in terra comunis.