Ο δούκας Κρήτης Andrea Dandolo παραχωρεί στον Giacomo Orso δυόμισι σερβενταρίες, τις οποίες είχε αγοράσει από τον Giovanni da Lasito, εκτελεστή της διαθήκης του Amoroso da Lasito, στον οποίο ανήκαν οι σερβενταρίες αυτές.

Nos Andreas Dandulo de mandato domini ducis Veneciarum ducha cretensis cum nostro consilio damus et concedimus Iacobo Urso et eius heredibus sergentarias duas et mediam, de suprascriptis sergentariis quatuor in casali Paranifi et lo Varri, que fuerunt quondam Georgii de Lasito et postea fuerunt Amorosii eius filii, quas serventarias duas et mediam Iohannes de Lasito solus commissarius suprascripti Amorosi defuncti de nostro consensu per virtutem unius noticie testamentarie carte complecte et roborate manu nobilis viri domini Marini Gradonico predecessoris nostri et eius consilii subscripti, facte anno Domini MCCLXXVII, mense septembris, die VI exeunte, indicione VIa, Candide, insule Crete, in qua dictus Amorosus dedit commissariis suis plenam virtutem et potestatem vendendi omnes terras suas et possessiones, vendidit eidem Iacobo cum habenciis et pertinenciis suis ac villanis. Quas sergentarias duas et mediam dictus Iacobus tenetur defendere personaliter. Iuravit itaque fidelitatem domino nostro duci, concessionem, varnicionem et cetera capitula. Hec igitur per nos et successores nostros rata et firma volumus perpetuo permanere. Actum anno Domini MCCLXXX, mense marcii, die V exeunte, indicione VIIIa.