Κατανεμήθηκαν μεταξύ του Giacomo Zuliano, του Marco Tronzane και της Poma Corner οκτώ σερβενταρίες, οι οποίες ανήκαν παλαιότερα στον Giordano Signolo και βρίσκονται στην περιοχή των χωριών Πρωτοπαπά, Μαυρόμυρτο, Καλάμι και Άγιος Ιωάννης. Από αυτές οι έξι περιήλθαν στον πρώτο και οι δύο στον Tronzane και την Corner μαζί. Καθορίζονται τα όρια μεταξύ των ιδιοκτησιών αυτών. Εγκρίνει ο δούκας Κρήτης Albertino Morosini.

Hec est divisio inter Iacobum Iulianum et Marcum Tronçane et dominam Pomam Cornario, que sic incipit in nomine Patris et Filii et Spiriti Sancti, amen. Nos Ia. Iulianus et M. Tronçane cum domina Poma Cornario partiti sumus VIII serventarias, que quondam fuerunt Ior. Singolo, de quibus advenit dicto M. cum domina Poma de casali nomine Protopapa versus austrum ultra flumine a figario, que est iuxta ripam dicte fluminis, recto tramite usque ad domus ad murum, et remanet domus Constantini Punica in dicto M. et Poma Cornario, et a dicto muro venit usque ad unum ortum, ubi est morarium, et ex inde extendit se per dictum ortum usque ad alium morarium et a nominato morario vadit usque ad brulam unam et pervenit inde per fundamentum lapidum usque ad alium ortum et extendit se per ortum usque ad unum lapidem magnum signatum signo crucis et ex inde recto tramite usque ad montem, ubi est karaki et placa, et inde vadit per montis risam usque ad fontanam magnam et inde descendit per antiquum avego usque ad primum molendinum et inde venit per fluminem usque ad suprascriptum primum figarium, que est in facie dicti casalis, remanet in prefato Ia. Iuliano. Verum quia predictus Ia. Iulianus habet totum primum molendinum et de alio quod est inferius habet medietatem, reliquam aliam medietatem habet M. Tronçane cum Poma Cornario, sed est sciendum, quod predictus Ia. Iulianus habet tam de aqua quam de omnibus causis pro VI serventariis, nominatus M. Tronçane cum Poma Cornario pro duabus. Item advenit eidem M. cum Poma Cornario casale Mavromirto et casale de Calami et Sanctum Iohannem. Terminus quorum casale Protopapa est sicut vadit flumen usque ad Hebreum Pithyma. Item ab alio latere versus Vilanuri incipit versus Sanctum Nicolaum, secundum quod vadit cum terra episcopatus, et vadit per fluminem sursum usque ad crucem et inde usque ad Platanum et ex inde ad Pisicro, ubi sunt ficus. Item ad huc venit dicto M. cum Poma Cornario a parte muris in loco qui dicitur Lamene, sicut incipit versus mare a muro, pars versus occidentem, sicut sunt positi termini per medium campum, usque ad fluminem Vaci, et inde venit per fluminem et ascendit ad unum olivarum, quod dicitur Comata, et inde venit ad mare. Item ad huc limni et laborerium vetus, quod est iuxta mare, habet secundum quod venit eis pro sua parte. Et est sciendum quod homines M. Tronçane et domine Pome Cornario nec alii per eos habeant potestatem ducendi animalia per campum, sed ea ducere possunt per caput montis donec veniant ad pascendum super suam terram, consenciente domino Albertino Mauroceno duca Crete cum suo consilio.