Με εντολή του δούκα Κρήτης Giacomo Tiepolo, οι κατανεμητές Marino Querini, Giacomo Tagliapietra και Nicola Pantaleo καθόρισαν τα όρια των ιδιοκτησιών του Francesco και του Nicola Gradenigo από τη μια και του Rizardo ripario από την άλλη στο χωριό Κάτω Κεραμωτή.

Nos Marinus Quirino, Iacobus Taliapetra et Nicolaus Pantaleo partitores ex precepto egregii militis domini Ia. Teupulo clare memorie domini L. Teupuli, incliti Veneciarum ducis filius ducha Crete [..... ........] ad videndum particio que erat inter Franciscum et Nicolaum Gradonico cum Riçardo rippario de terra Cato Cheramote, videntes scriptum catastici, audientes racionem unius et alterius sentencialiter diximus quod signa istius terre inciperetur ab uno pilastro qui est laboratus de petra et calce super viam que venit de Sclavochorio et vadit ad Pastelam, et venit super sinora de Ligordine et de inde vadit versus austrum et transit riachi et ascendit versus austrum et ferit ad unum lapidem, qui iacet inter alios lapides, qui habet unam crucem, et de inde descendit versus austrum recto tramite et ferit ad unam archaleam, que habet unum pilastrum, et de inde vadit versus austrum recto tramite et transit fluminem et ferit ad unum lapidem ertum, qui habet unam crucem, et iacit ibi balneum derrutum, ad manum sinistram eundo versus austrum et de inde vadit versus austrum recto tramite usque ad finem sue terre. Actum MCCLXXXXVII, mense februarii, die V exeunte, indicione XIa.