Συνθήκη ειρήνης μεταξύ του δούκα Κρήτης Paolo Querini με τους επαναστάτες Θεόδωρο και Μιχαήλ Μελισσηνό.

In nomine domini Salvatoris nostri Iesu Christi. Anno Domini MCCXXIII, mense ianuarii, die octavo intrante, indictione XII. Candide insule Crete. Nos Paulus Quirino, de mandato excellentissimi domini Petri Ziani, Dei gratia inclyti ducis Venetiarum, duca Crete, cum nostro minori et maiori conscilio, pro eo, quod vos Theodorus et Michali Millisino, ambobus fratribus, reversi estis ad preceptum et fidelitatem domini nostri ducis Venetiarum ac nostrorum successorum et nostri conscilii secundum tenorem rescripti in littera greca facti a vobis et nobis, cuius tenor talis est: Mense ianuarii, die octavo, die lune, indictione XII. Ego Theodorus Miliisino iuro supra sancta evangelia et per pretiosam et vivificam crucem, quam Christiani tenent maximum et terribile sacramentum, quod ab hodie, id est die octavo, mense ianuarii, de presenti XII indictione, quod ero fldelis servus de domino nostro duce Venetiarum sine fraude et ingenio, et de tota Venetia, et subiacebo precepto et voluntati domini ducis Crete, qui erit pro tempore in Creta propter preceptum domini nostri ducis Venetiarum, ubicunque mihi preceperit; et ero amicus amicis Venetie et inimicus inimicis illius. Habeo autem de personis, de militibus et sergentlhus et omnibus, qui sunt in insula Crete, maximam guardiam in ipsis; et in rebus suis debeo reddere villanos de militihus et sergentibus, qui a dominis suis fugam fecerunt; similiter illos de civitate et parte Candie, qui inveniuntur in mea potestate, et de meis hominibus, ad preceptum et voluntatem domini ducis Crete; similiter animalia, que ablata sunt post concordiam et pacem factam in tempore domini Dominici Delphini, quondam Crete ducis, que sunt equi, boves, pecora et asini, et abhodie et antea inveniuntur. Debeo dare obsides cognatum meum Theodorum Fullarico et uxorem eius, et filios eius et sororem meam, quondam defuncti Adonis. Istos obsides debeo conducere usque per totam primam ehdomadam quadragesime de presenti indictione. Et istud sacramentum debet iurare frrater meus Michali; et sicut ego servabo istud sacramentum mundum sine fraude et malo ingenio. Sic adiuvare me Deus in anima et corpore. Quapropter nos quidem suprascriptus Paulus Quirino, duca Crete, cum nostro minori et maiori conscilio, cum nostris successoribus concedimus vobis suprascriptis Theodoro Millisino et Michali et vestris heredibus ex gratia duas militias; una quarum posita est in sexterio Dorsoduri, que quondam fuit Leonardi Caveletro defuncti, cum omnibus suis habentiis et pertinentiis et viIlanis et domo in civitate; alia vero posita est in Stimboli in partibus Calamone, que fuit Egidii et sociorum eius, cum omnibus suis habentiis et pertinentiis de Calamona atque cum omnibus villanis, ubicumque sunt per totam insulam, ad eamdem militiam pertinentibus. Hec omnia concedimus et transactamus secundum tenorem concessionis facte a domino nostro duce Venetiarum militibus et sergentihus insule Crete; et de varnitione militie et castellis atque de aliis capitulis, quibus alii milites tenentur aut tenebuntur, sic et vos astricti estis et esse debetis. Et hec concessionis carta in sua permaneat firmitate. Ego Paulus Quirino, ex precepto domini ducis Duca Crete, mm. ss. Ego Marinus Contareno, consciliator, mm. ss. Ego Petrus da Molino, consciliator, mm. ss. Ego Pancrati Phaletro, iudex, mm. ss. Ego Ioannes Gerolo, advocator, ut supra ss. Ego Petrus Greco, camerarius comunis, ss. Ego Marinus Gradonico mm. ss. Ego Martinus Quirino rogatus ss. Ego Stephanus Iustiniano ut supra ss. Ego Marcus Barastro ut supra ss. Ego Petrus Nanni, presbyter et notarius, complevi et roboravi. Ego Bartholomeus Cavallero, presbyter et notarius, sicut vidi in matre, testis sum in filia. Ego Petrus Nani, presbiter et notarius, hoc exemplum exemplavi hoc suprascripto anno et mense ac indictione et in infrascripta Candida, nec minui nec ampliavi; complevi et roboravi. Ego Rogerius Grimani, iudex, sicut vidi in matre, testis sum in filia.