Ο Venetando Lovari διευθετεί την εξόφληση 25 υπερπύρων που είχε λάβει ως δάνειο από τον Giovanni della Vigna.

Die sexto intrante. Manifestum facio ego Venetando Lovari habitator Candide cum meis heredibus tibi Iohanni de Vigna habitatori in Candida et tuis heredibus quod a modo infra dies quindecim postquam ego Sanctam Heryny aplicuero debeam tibi yperpera XXV, que michi dedisti mutuo, salva in terra, omni occasione remota. Set si suprascripta yperpera, ut superius dictum est, tibi non dedero, ex tunc in antea postquam in Candidam applicueris infra dies XV tibi dare debeo tua suprascripta yperpera cum tali parte de prode per centenarium, quali lucratus eris de omnibus tuis denariis quos tecum Candidam duxeris investitos. Rogatus complere et dare. Testes Michael Truno et Iacobus Çanpani.