Ο Antonio Querini έλαβε από την Elena, χήρα του Giacomo Pantaleo, 11 υπέρπυρα και 1 1/4 grosso ως άτοκο δάνειο. Μπορεί να τα εξοφλήσει με ανάλογη ποσότητα σιτηρών.

Die XII exeunte. Manifestum facio ego Antonius Quirinus habitator in Candida quia recepi cum meis heredibus a te Helena, relicta Iohannis Pantaleo, habitatrice in Candida et tuis successoribus yperpera in Creta currentia undecim et grossum unum et quartam, que michi dedisti et prestitisti causa amoris in meis utilitatibus faciendis, a modo usque per totum mensem iulii proxime venturum. Ad ipsum autem terminum vel antea tibi dare debeam tua suprascripta yperpera, salva in terra, sine omni occasione remota, vel tantum si volueris bonum furmentum cretense quod ascendat usque ad tua suprascripta yperpera, ad eam racionem quam tunc furmentum cretense vendetur in aerem, conductum ad domum tuam meis expensis, salvum in terra, ad earn videlicet racionem quam tunc furmentum cretense vendetur in aerem et cetera. Testes Thomas Dondi clericus et Michael Truno. Rogatus complere et dare.