Ο Giovanni Soranzo νοικιάζει για επτά χρόνια στον Frigerio da Chioggia τη γη μιας σερβενταρίας που κατέχει στο σεξτέριο των Αγίων Αποστόλων, στην περιοχή Trimba.

Die eodem. Manifestum facio ego Iohannes Superancius habitator Candide quia cum meis heredibus do, concedo atque afficto tibi Frigerio de Cluça habitatori in Candida et tuis heredibus totam terram seminandam et pasculandam et vineam pertinentem unius mee sergentarie posite in sexterio Sanctorum Apostolorum, in loco qui dicitur Trimba, a modo usque ad septem annos complectos proxime venturos, tempore pacis, cum plena virtute et potestate a modo in antea intromittendi, habendi, tenendi, possidendi, affictum dandi et fictum inde recipiendi et tuas omnes utilitates in ea et ex ea faciendi, nemine tibi contradicente. Sciendum tamen est quod ex toto tempore suprascriptorum VII annorum iam michi plenam solucionem fecisti, de qua te reddo securum pariter et quietum. Preterea teneor te de predicta terra et vinea ab omnibus personis varentare. Complecto suprascripto termino, dictam terram et vineam inculmine reffutabis. Et hec sub pena yperpera L. Et e converso fieri debet suprascripto Iohanni Superancius. Rogatus complere et dare. Testes Nicolaus Habramo Parvus et Martinus Lança.