Ο Γεώργιος Λίτινος νοικιάζει για 10 χρόνια στον βιλάνο του Γεώργιο Σγουρό ένα αμπέλι στο χωριό Ανώγεια με συνολικό ενοίκιο 10 υπέρπυρα.

Die V exeunte. Manifestum facio Georgius Litino, habitator in meo casali nomine Anogia, quia cum meis heredibus do, concedo et afficto tibi Georgio Sguro vilano meo habitatori in dicto meo casali et tuis heredibus illam meam peciam vinee dicti loci, quam laborabat Hemanuel Servo Calogero, amodo videlicet in antea usque ad annos X prius venturos, cum plena virtute et potestate intromittendi, habendi, tenendi, possidendi, affictandi et disfìctandi et affictum inde recipiendi et omnes alias tuas utilitates in ea et ex ea faciendi usque ad complementum dicti termini, nemine tibi contradicente. Tu vero debes dictam vineam omni anno per tempora congrua bene et convenienter aptare, çerpire, çapare, scafiçare, catavolliçare et eam lachiçare sicut necesse fuerit et in culmine tenere et conservare. Sciendum est quod de affictu ipsius tocius suprascripti termini secundum pactum inter nos habitum michi dedisti et persolvisti yperpera X, de quibus te securum reddo imperpetuum et cetera. Insuper autem completo suprascripto termino si volueris tu et tui heredes eam tenere ad laborandum ad medietatem fructus imperpetuum, debeo eam vobis dare ad laborandum ad medietatem fructus imperpetuum. Sub pena yperperorum XXV et in sua permaneat firmitate. Testes Andreas Dandulo, Franciscus Çapani et Marcus Colona. Complere et dare. Solvit.