O Nicola Filachanavo νοίκιασε από τον Giuliano Vassalo ένα αμπέλι για τα επόμενα 5 χρόνια με την υποχρέωση να του δίνει ως ενοίκιο τη μισή παραγωγή σε μούστο και καρπό, καθώς και μία σάλμα από τον δικό του μούστο.

Die eodem. Manifestum facio ego Nicolaus Filachanavo fìlius divisus a Marco Filachanavo habitator in casali Silamo, quia recepi a te Iuliano Vaxalo filio condam Iacobi Vaxalo habitatore Candide ad affictum illam tuam vineam veterem de lo Spartidhe, que confinat cum vineis casalis Rema et quam habere et tenere debeo a kallendis mensis ianuarii nuper ellapsi in antea usque ad annos V prius venturos, cum plena virtute et potestate intromittendi, habendi, tenendi, possidendi, nemine sine tua licencia affictandi, sed omnes alias tuas utilitates in ea et ex ea faciendi usque ad complementum dicti termini, nemine michi contradicente. Quam vineam debeo omni anno per tempora congrua bene et convenienter aptare, çerpire, çapare, scafiçare et ponere omni anno yperperum I de catavolatis et eam in culmine tenere et conservare. Et pro affictu ipsius debeo tibi dare omni anno tempore vindemie super patiterium totam et integram medietatem tocius musti et fructus ex dicta vinea provenientem, alia medietate michi retenta. Et debeo tibi dare omni anno saumam I musti de parte mea. Hec omnia sub pena dupli pro quolibet termino. Completo vero termino suprascripto, debeo eam tibi in culmine refutare sub pena yperperorum XXV et in sua permaneat firmitate. Et tu teneris michi predictam omnia observare sub illa pena qua tibi teneor et cetera. Testes Ruçerius et Nicolaus de Misina. Complere et dare. Solvit.