Η Ειρήνη Riza αναλαμβάνει υπηρεσία στο σπίτι του Catelano de Noara και της συζύγου του Ειρήνης για 3 χρόνια με αποζημίωση 9 υπέρπυρα.

Die eodem. Manifestum facio ego Herini Riça, olim de Satalia, vobis suprascriptis Catelano et Herini eius uxori, quia affirmo me vobiscum ad standum amodo usque ad annos .III. prius venturos pro vostra serviciali. Tali quidem modo quod die noctuque stare et esse debeam vobiscum in domo vestra et extra in omnibus vestris serviciis que michi preceperitis facere, non recedendo a vobis nec a vestris serviciis usque ad complementum dicti termini, vobis invictis. Et si recessero, liceat vobis cum misso et sine misso alicuius curie me capere et ad vestra servicia redducere et me verborum et verberum districte corigere. Et tanto quanto a te vel tuis serviciis foras steterim vobis invicem tantum post complementum dicti termini vobis in duplo servire teneor. Vos vero debetis michi dare victum et vestitum convenientes secundum possibulitatem vestram usque ad complementum dicti termini. Et pro meo soldo tocius suprascripti termini secundum nostrum pactum michi dedistis yperpera VIIII, de quibus vos securos reddo imperpetuum et quietos. Sub pena yperperorum V et in sua permaneat firmitate et cetera. Testes suprascripti. Complere et dare. Non.