Ο Μιχαήλ Καφάτος νοικιάζει στον ιερέα Nicola Paradiso, ηγούμενο του Αγίου Αντωνίου, τον βιλάνο του Νικήτα Μαγγαναρόπουλο για τα επόμενα 10 χρόνια με ετήσιο ενοίκιο 5 υπέρπυρα.

Die eodem. Manifestum facio ego Michal Cafato dictus Caçamata, habitator in casali nomine Voni, quia do et concedo et afficto tibi presbitero Nicolao Paradiso priori Sancti Antonii unum meum villanum de iure mee partes millicie de lo Voni, nomine Nichita Manganaropulo, qui stat in Çirapetra, a kallendis mensis augusti nuper ellapsi in antea usque ad annos X prius venturos tanto pacto existente in hac insula, cum plena virtute et potestate intromittendi, habendi, tenendi, possidendi, affictandi et disfictandi et affìctum inde recipiendi, dacia et omnes alias raciones villanorum secundum ussum terre ab ipso accipiendi et omnes alias tuas utilitates in eo et ex eo faciendi usque ad complementum dicti termini, nemine tibi contradicente. Tu vero pro affictu ipsius debes michi dare omni anno in principiis yperpera V. Sciendum est quod de affictu primi anni me bene et perfecte appacasti et cetera. Sciendum est quod si guera veniret in hac insula talis quod ipsum posses possidere et gaudere, tenemini dare affictum predictum, minuendo terminum ipsius guere in dicto termino. Sub pena yperperorum XXV et in sua permaneat fìrmitate. Testes Iohannes Greco, Nicolaus Cornario, Phylipus Capello et Hemanuel Agapito. Complere et dare. Solvit.