Ο Nicola Belegno έλαβε ως δάνειο από τον Filippo Mazamano 600 υπέρπυρα με εξόφληση 100 υπέρπυρα το χρόνο. Τα 450 από τα παραπάνω υπέρπυρα αντιστοιχούν στην αξία μισής καβαλαρίας στις Γωνιές, την οποία ο Belegno αγόρασε από τον Mazamano, και τα υπόλοιπα 150 υπέρπυρα είναι σε μετρητά. Ταυτόχρονα, ο Belegno νοικιάζει στον Mazamano τα σπίτια στον Χάνδακα, τα οποία ανήκουν στην παραπάνω μισή καβαλαρία και στα οποία κατοικεί ήδη ο Mazamano, για το διάστημα μέχρι την εξόφληση του δανείου. Το ετήσιο ενοίκιο για τις κατοικίες ορίστηκε στα 20 υπέρπυρα, τα οποία θα προσμετρώνται στην αποληρωμή του δανείου.

Die X intrante. Manifestum facio ego Nicolaus Belligno filius condam Marini Belligno, habitator Candide, quia recepi a te Phylipo Maçamano, habitatore Candide, yperpera DC, que michi dedisti in meis utilitatibus faciendis. Que vero suprascripta tua yperpera debeo per me vel per meum missum dare et deliberare hic in Candida tibi vel tuo cum tali prode vel dapno quali per racionem C yperperorum et temporis proiecerit habere stacionis Vicencii de Millitibus specialis de Candida isto tempore, ita quod lucrum non ascendat ultra yperpera X pro C in anno, dando tibi omni anno yperpera C tam de suprascripto capitali suprascriptorum DC yperperorum et de lucro ipsorum donec de suprascriptis tuis DC yperperis et lucro ipsorum plenarie fueris persolventus modo et ordine suprascripto, incipiendo termino a kallendis mensis octubris nuper preteriti. Tamen tuum suprascriptum habere debet esse in tuo tali periculo ignis et latronum clarefacto quali erit et cetera. Sciendum tamen est quod de suprascriptis DC yperperis sunt yperpera CCCCL tue medie millicie de lo Gomie quam michi vendidisti, que tibi scripta est in catastico comunis pro tuo pignore et alia yperpera CL michi dedisti in denariis. Insuper autem do, concedo et afficto tibi illas meas domus que sunt dicte tue medie millicie, in quibus nunc habitas sicut ipsas habes et tenes ad presens, amodo videlicet in antea donec tibi persolvero de suprascriptis tuis yperperis DC et lucro, cum plena virtute et potestate intromittendi, habendi, tenendi, possidendi, affictandi et disfìctandi et affictum inde recipiendi et omnes alias tuas utilitates in eis et ex eis faciendi usque ad complementum dicti termini, nemine tibi contradicente. Quas domus debeo tibi aptare facere quandocumque necesse fuerit et in culmine tenere et conservare meis expensis. Tu vero pro affictu ipsarum michi debes dare omni anno yperpera XX, que debent computari in suprascriptis C yperperis, que tibi dare debeo annuatis de omnibus suprascriptis. Hec autem et cetera pro quolibet termino et insuper auri libras quinque. Testes Franciscus Iuliano, Daniel Greco et Petrus de Variente. Complere et dare. Solvit.