Ο Giovanni Trevisan, καθώς πρόκειται να καρεί μοναχός, παραχωρεί την κινητή και ακίνητη πατρική και μητρική περιουσία που του αναλογεί στα αδέλφια του, Guglielmo και Angelo Trevisan. Παράλληλα, βεβαιώνει ότι έλαβε όλα όσα όφειλαν να του δώσουν τα παραπάνω αδέλφια του. Ορίζει τέλος να δώσουν στην αδελφή τους Sibila ως προίκα για τον γάμο της 50 υπέρπυρα επιπλέον αυτών που της δόθηκαν από τους γονείς τους.

Die XII intrante. Manifestum facio ego Iohannes Trivisanus filius condam Petri Trivisano, habitator Candide, vobis Guilielmo et Angelo Trivisano fratribus meis et vestris heredibus, cum meum scit propositum Deum gloriosum pro nobis crucifixu servire, ad hoc ut in eternum remedium anime mee possim aquirere, Deum habens pre oculis, intrare intendo et domino Deo dante eras tercio decimo intrante presenti mense marcii in monasterium fratrum Minorum ecclesie Sancti Francisci de Candida et habitum eiusdem beati Francisci et regulam tenere donec vixero, manifestum facio ego cum meis heredibus vobis et vestris heredibus quia do, dono atque refuto et imperpetuum transacto totam et integram meam partem omnium nostrorum bonorum mobilium et immobilium paterno, materno, fraterno iure vel debito hereditatis, propinquitatis vel successionis et quocumque alio aliquo modo vel iure nobis spectancium, cum omni plenissima virtute et potestate intromittendi, habendi, tenendi, possidendi, dandi, donandi, vendendi, dominandi, alienandi, transactandi, pro anima vestra iudicandi et imperpetuum possidendi et omnes alias vestras utilitates in eis et ex eis faciendi imperpetuum, nemine vobis contradicente. Hec omnia et alia mea iura paterna, dimissorias et sucessiones vobis do, trado cum omni pleno vigore et robore et me per omnia et in omnibus foris facio in vos et vestros heredes cum omni plena virtute et potestate transactandi, inquirendi, interpellandi, placitandi, respondendi, advocatorum precepta et interdicta tollendi, legem et sentenciam petendi, audiendi et prosequendi, intromittendi, accipiendi et excuciendi et omnia mea bona et habere quocumque modo michi pertinentia ubicumque et apud quemcumque seu quoscumque ea vel ex eis invenire poteritis, cum cartis et sine cartis, in curia et extra curiam et securitatis carta seu quicquid aliud inde opus fuerit faciendi et si expedierit in anima mea iurandi sicut egomet presens facere possem deberem. Quampropter plenam et irrevocabilem securitatem facio cum meis heredibus vobis et vestris heredibus de suprascriptis omnibus meis bonis, quia inde me bene et perfecte appacastis et deliberastis, amodo igitur in antea securi et quieti permaneatis imperpetuum quia nichil inde remansit et cetera. Et amodo igitur in antea vos securos reddo imperpetuum et quietos. Vos vero tenemini propter hoc solvere omnem partem meam de omnibus debitis aut dimissoriis condam patris et matris nostre. Ac eciam dare debetis Sibilie sorori nostre pro suo maritare de suprascriptis meis bonis yperpera L, ultra illud quod sibi dimissit pater et mater nostri condam. Sub pena yperperorum CC et in sua permaneat firmitate. Testes Nicolaus de Misina et Daniel Greco. Complere et dare. Et debeo eam facere tantum plenam quantum fieri poterit addendo et minuendo, ad utilitatem suprascriptorum Guilielmi et Angeli.