Η Maria χήρα του Marco Fradello βεβαιώνει τον κουνιάδο της Giovanni Fradello ότι έλαβε τα 31 υπέρπυρα και 3 grossi ως μέρος της προίκα της, την οποία της κληροδότησε με τη διαθήκη του ο άντρας της.

Die eodem. Plenam et irrevocabilem securitatem facio ego Maria relicta Marci Fradello habitatrix Candide tibi Iohanni Fradello cognato meo habitatori Candide de yperperis in Creta currentibus XXXI et grossis III, que michi dare debebas in die VII exeunte mense februarii nuper preteriti pro parte illius dimissorie mille yperperorum, quam suprascriptus Marcus condam vir meus michi ad obitum suum per sui testamenti cartam dimissit, quam tu michi ad dandum stetisti secundum formam unius manifestacionis carte testate et roborate manu Nicolai de Cartura notarii, facte anno ab incarnatione domini nostri Ihesu Christi millesimo ducentesimo octuagesimo septimo, mense marcii, die undecimo intrante, indicione XVa, Candide, insule Crete, silicet omni anno pace existente in Laxiti yperpera LXII, medietas in medio cuiuslibet anni et alia medietas in fine cuiuslibet anni et cetera, ut in ea legitur. Nunc autem et cetera. Sub pena consueta et contractu firmo. Testes Nicolaus de Misina et Petrus de Variente. Complere et dare. Solvit.