Ο Marco Longo νοικιάζει στον Giovanni Fastafilio ένα αμπέλι για τα επόμενα 29 χρόνια. Τα 10 πρώτα χρόνια θα το εκμεταλλεύεται χωρίς να αποδίδει ενοίκιο, τα υπόλοιπα 19 θα του δίνει ετησίως το μισό της παραγωγής σε μούστο και καρπό.

Die eodem. Manifestum facio ego Marcus Longo condam Avogarii Longo habitator Candide, quia do, concedo atque afficto tibi Iohanni Fastafilii diacono, habitatori in burgo Candide, unam meam peciam fithee quam plantavi iuxta meum castrum, amodo videlicet in antea usque ad annos XXVIIII prius venturos, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in ea et ex ea faciendi usque ad complementum totius suprascripti termini, nemine tibi contradicente. Quam fitheam sive vineam debes omni anno per tempora congrua bene et convenienter aptare, çerpire, çapare, scafiçare, catavoliçare et omnibus tribus annis eam lachiçare et eam in culmine tenere et conservare cum suis trafis et fosatis. Quam fitheam debes habere et gaudere amodo usque ad annos X prius venturos. Et inde in antea debes michi dare omni anno per tempora vindemie super patiterium totam et integram medietatem tocius musti et fructus ex dicta vinea provenientem, alia medietate tibi retenta. Sub pena dupli pro quolibet termino. Ambellico debet poni ad tuas expensas quem voluero postquam compleverint suprascripti X anni. Completo vero termino suprascriptorum XXVIIII annorum debes eam michi in culmine refutare cum suis trafis et fosatis, sub pena yperperorum L et in sua permaneat fìrmitate. Testes Nicolaus de Misina et Andreas Lambardo. Complere et dare. Solvit.