O Antonio da Vicenza παραδίδει ως μαθητευόμενο στον υποδηματοποιό Leonardo Bonomo τον γιο του Nicola για τα επόμενα 6 χρόνια.

Die eodem. Manifestum facio ego Antonius de Vicencia habitator Candide tibi Leonardo Bonohomo calegario habitatori Candide quia in Dei et Christi nomine affirmo tecum Nicolaum filium meum a die quarto exeunte mense februarii nuper ellapsi in antea usque ad annos VI prius venturos. Tali quidem modo et ordine quod die noctuque stare et esse debeat tecum in domo tua et stacione ad laborandum de arte tua et in omnibus aliis tuis serviciis que sibi iusseris facere, non recedendo a te neque a tuis serviciis tue artis usque ad complementum dicti termini te invicto. Et si recesserit te invicto, liceat tibi cum misso et sine misso alicuius curie eum capere et ad tua servicia redducere et eum verborum et verberum districte corigere. Et tantum quantum a te vel tuis serviciis foras steterit te invicto, tantum post complementum dicti termini tibi in duplo servire teneatur. Tu vero debes eum docere artem tuam secundum tuum scire et posse et debes dare victum et vestitum et calciamenta convenienter iuxta tuam possibilitatem usque ad complementum dicti termini, sub pena yperperorum V et in sua permaneat fìrmitate. Testes suprascripti. Complere et dare. Solvit.