Ο Donato Cocco παραχωρεί αιωνίως στον βιλάνο Ιάκωβο Καψοδάση αμπέλι που έχει ήδη καλλιεργήσει ο ίδιος. Για τα πρώτα 6 χρόνια δεν θα καταβάλλει ενοίκιο, ενώ για το υπόλοιπο χρονικό διάστημα ως ετήσιο ενοίκιο ορίζονται τα 2/5 της παραγωγής σε μούστο και καρπό. Του παραχωρεί επίσης τις συκομουριές που βρίσκονται στην παραπάνω γη, καθώς και όση επιπλέον γη θελήσει για να καλλιεργήσει επίσης αμπέλι.

Die XIII exeunte. Manifestum facio ego Donatus Cauco habitator Candide quia do et concedo tibi Iacobo Capsodhasi vilano habitatori in casali meo nomine Sfachia turme Sythee et tuis heredibus et proheredibus illam peciam terre ipsius loci de iure mee medie millicie de Sythia, in qua plantasti vineam sicut ipsam habes et tenes et ad presens amodo videlicet in antea imperpetuum, cum plena virtute et potestate intromittendi, habendi, tenendi, possidendi et omnes alias tuas utilitates in ea et ex ea faciendi imperpetuum, nemine tibi contradicente. Quam vineam debes omni anno per tempora congrua bene et convenienter aptare, çerpire, çapare, scafiçare, catavoliçare et eam in culmine tenere et conservare omnibus tuis expensis. Quam vineam habere et gaudere debes amodo usque ad VI annos proxime venturos et inde in antea debes michi dare omni anno tempore vindemie super patiterium de omnibus quinque partibus tocius musti et fructus ex dicta vinea provenientibus duas partes, aliis tribus partibus tibi retentis, sub pena dupli pro quolibet termino. Tu vero teneris dictam terram totam, sicut est trafecepicata, bene et sufficienter implantare sicut decuerit usque ad VI annos prius venturos sub pena perdendi ipsam vineam. Item do et concedo tibi et tuis heredibus omnes illas arbores sicomorum que est in dicta terra quas habere debeas cum tuis heredibus imperpetuum. Tu vero debes michi dare omni anno tempore ficuum paracordas CL bonas sub pena dupli pro quolibet termino. Item concedo tibi de ipsa mea terra quantam volueris pro vinea implantandi modo et ordine suprascripto. Sub pena yperperorum X et in sua permaneat firmitate. Testes Nicolaus de Misina et Andreas Lambardo. Complere et dare. Solvit.