Ο Nicola Sclavo και ο Giovanni Stramaglia έλαβαν από τον Giovanni Avonal 15 υπέρπυρα για να τα επενδύσει ο Nicola, σε χερσαίο και θαλάσσιο εμπόριο, με τον καλύτερο δυνατό τρόπο, μέσα στους επόμενους 6 μήνες.

Die eodem. Manifestum facimus nos Nicolaus Sclavo et Iohannes Stramalia ambo habitatores Candide quia recepimus a te Iohanne Avonar habitatore in eadem Candida yperpera XV, cum quibus et eorum prode negociari debeo ego suprascriptus Nicolaus per terram et per aquam sicut michi bonum videbitur amodo usque ad VI menses proximos, faciendo racionem infra dies XV, dando tibi tuum capitale cum duabus partibus tocius prode, retenta michi reliqua tercia parte ipsius prode. Tamen tuum suprascriptum habere debet esse in tuo periculo clarefacto maris et gentium et de omni naulo et lucro personarum et non facere divisionem secundum ussum. Ad tenendum te ad quem nostrum volueris. Hec autem et cetera. Testes Nicolaus de Misina et Matheus Alivrando. Complere et dare. Solvit.