Η Gerardina, κόρη του Angelo Rizzo δωρίζει στον ανιψιό της Guglielmo Trevisan όλα όσα της οφείλει ο αδελφός της Giovanni Rizzo είτε ως προίκα είτε για οποιοδήποτε άλλο λόγο. Μόνη υποχρέωση του Trevisan είναι να δωρίσει στα αδέλφια του, Angelo και Sibilla, από 10 υπέρπυρα στον καθένα.

Die eodem. Manifestum facio ego Gerardina filia condam Angeli de Riço habitatrix Candide tibi Guilielmo Trivisano nepoti meo habitatori Candide quia do, dono et imperpetuum transacto tibi totum illud quod michi debet dare Iohannes de Riço frater meus tam cum carta quam sine carta, tam pro mea repromissa quam quocumque alio modo per commissariam vel per successionem vel fraterno iure vel quolibet alio modo pro quo michi tenetur amodo videlicet in antea imperpetuum, cum plena virtute et potestate intromittendi, habendi, tenendi, possidendi, vendendi, dandi, donandi, alienandi, transactandi et quicquid aliud tibi melius placuerit faciendi, nemine tibi contradicente. Quod totum tibi do et trado cum omni pleno vigore et robore et me per omnia et in omnibus foris facio et in te et tuos heredes cum omni plena virtute et potestate transacto inquirendi, interpellandi, placitandi, respondendi, advocatorum precepta et interdicta tollendi, legem et sentenciam petendi, audiendi et prosequendi, intromittendi, accipiendi et excuciendi ubicumque et apud quemcumque eum vel ex eo invenire poteris cum carta et sine carta, in curia et extra curiam et securitatis cartam seu quicquid aliud inde opus fuerit faciendi et si expedient in anima mea iurandi sicut egomet presens facere possem et deberem. Quapropter plenam et irrevocabilem securitatem facio ego cum meis successoribus tibi et tuis heredibus de toto illo quod michi dare debet suprascriptus Iohannes frater meus, quia inde me bene et perfecte appacasti et deliberasti amodo igitur in antea te securum reddo im¬perpetuum et quietum quia nichil inde remansit et cetera. Tu vero teneris et debes dare Angelo fratri tuo yperpera X, Sibilie et soritre alia yperpera X de illo quod inde exigeris. Sub pena auri librarum V et in sua permaneat fìrmitate. Testes Andreas Cauco et Andreas Lambardo. Complere et dare. Non.