Ο Pietro Zorzi, ως πληρεξούσιος του Graziano Zorzi, εκμισθώνει στον Giovanni Barastro έκταση γης από τον προσεχή Οκτώβριο και για όσο διάστημα την έχει μισθώσει ο Graziano από το δημόσιο. Στη γη αυτή ο Barastro αναλαμβάνει να κτίσει κατοικία, για την οποία θα καταβάλλει ετήσιο ενοίκιο 6 grossi.

Die eodem. Per virtutem et potestatem unius commissionis carte testate et roborate manu Crescentii Alexandrini notarii facte anno ab incarnatione domini nostri Ihesu Christi millesimo ducentesimo nonagesimo tercio, mense aprilis, die quinto exeunte, indicione sexta, Candide, insule Crete, in qua Gracianus Georgius habitator Candide committendo commisit michi Petro Georgio habitatori in eadem Candida ut ex tunc in antea pro ipso et suo nomine plenam virtutem et potestatem haberem inquirendi, interpellandi, advocatorum precepta et interdicta tollendi, placitandi, respondendi, legem et sentenciam petendi, audiendi et prosequendi, intromittendi et excuciendi omnia sua bona et habere a cuctis suis debitoribus presentibus et futuris ubicumque et apud quoscumque ea vel ex eis invenire potero cum carta et sine carta, in curia et extra curiam. Insuper autem domos, çardina, terras et possessiones sibi quocumque iure spectantes affictandi ad illud tempus quod michi videbitur convenire, affictum ex ipsis recipiendi et omnia sua negocia generalia et specialia procurandi, faciendi et complendi et securitatis atque affictus cartam et quicquid aliud opus fuerit faciendi et et cetera, ut in ea plenius continetur et legitur, manifestum facio ego suprascriptus Petrus Georgius procurator suprascripti Graciani Georgii quia do, concedo atque afficto tibi Iohanni Barastro habitatori in burgo Candide tantum de terra partis çardinorum suprascripti Graciani que tibi dedi et designavi que est per suam longitudinem passibus IIII et lata passibus II a kallendis mensis octubris proximi in antea usque per totum tempus quo dictus Gracianus suam partem ipsorum çardinorum a comuni Crete habere et tenere debet et ad renovandum tibi cartam sicut comune sibi facere tenetur et debet. Cum plena virtute et potestate intromittendi, habendi, tenendi, possidendi, affictandi et disfìctandi et affictum inde recipiendi et omnes alias tuas utilitates in ea et ex ea faciendi usque ad complementum dicti termini, nemine tibi contradicente. Super quam terram debes hedificare domum ad tuas expensas sicut tibi bonum videbitur. Et pro teratico ipsius debes dare omni anno grossos VI in fine, sub pena dupli pro quolibet termino. Completo vero termino suprascripto debes dictam domum michi in culmine refutare sub pena auri librarum quinque et in sua permaneat firmitate. Testes Iacobus de Grado et Petrus Barastro, complere et dare et Nicolaus Alexii. Complere et dare. Solvit.