Ο Michele Lambardo μισώνει από τον Στάθη Μαρμαχιώτη κατοικία, στην οποία ήδη διαμένει, στον βούργο του Χάνδακα, για όσο χρόνο ο Μαρμαχιώτης την έχει μισθώσει από τον Graziano Zorzi. Το ετήσιο ενοίκιο ορίζεται στα 8 grossi.

Die ultimo. Manifestum facio ego Michael Lambardo habitator in burgo Candide quia recepi ad affictum a te Stadhi Marmachioti habitatore in burgo predicto unam tuam domum positam in dicto burgo, in qua habito, quam habes ad affictum a Gratiano Georgio, quam habere et tenere debeo amodo usque per totum tempus quo ipsam habere et tenere debes a dicto Gratiano Georgio, cum omni plena virtute et potestate intromittendi, habendi, tenendi, possidendi, in ea habitandi, affictandi et disfìctandi et fictum recipiendi et omnes alias meas utilitates in ea et ex ea faciendi usque ad complementum dicti termini, nemine michi contradicente. Pro cuius affictu debeo tibi dare omni anno grossos VIII, sub pena dupli pro quolibet termino. Quam domum debeo ad omnes meas expensas in culmine conservare et in fine termini in culmine refutare. Sub pena yperperorum V et in sua permaneat firmitate. Testes Iohannes de Raynaldo et P. Flabani. Solvit.