O μοναχός Guglielmo de Lomello, ως πληρεξούσιος της μονής Santa Maria de Iubino, βεβαιώνει την Cecilia, χήρα και μοναδική εκτελέστρια της διαθήκης του συζύγου της Giacomo Zampani, ότι έλαβε το ενοίκιο που όφειλε ο μακαρίτης συζυγός της προς την μονή, για το μισό χωριό Κάτω Τρύφωνας που είχε μισθώσει το 1294.

Die VII intrante. Per virtutem et potestatem unius procurationis carte testate et facte manu Bartholamei de Meçano notarii anno dominice nativitatis millesimo CCC, indicione XIIIa, die III madii, circha vesperas, in qua donnus Rolandus abbas monasterii Sancte Marie de Iubino in presencia, voluntate et consensu infrascriptorum monacorum dicti monasterii videlicet donni Iacopi prioris et donni Iohannis de Margeto, nec non et dicti monaci in presencia, auctoritate et consensu dicti abbatis nomine dicti monasterii fecerunt, constituerunt, creaverunt et ordinaverunt suum et dicti monasterii sindicum, actorem et procuratorem donnum Guillelmum de Lomello monachum dicti monasterii ad omnes causas, lites, questiones et controversias quas habent vel habere sperant seu in futurum habebunt dicto nomine contra quamcumque personam, corpus, collegium vel universitatem quacumque occasione vel causa et tam in agendo quam in defendendo et coram, quocumque iudice tam ecclesiastico quam seculari et in quibuscumque locis et ad petendum, exigendum et recepiendum omne id et totum quod habere et recipere debent seu petere possent et in futurum peterint dicto nomine a quacumque persona, corpore, collegio vel universitate quacumque occasione vel causa et in quibuscumque locis seu partibus, ita quod dictus procurator seu sindicus possit agere, experiri, excipere, replicare, defendere, transigere et pacisci, compromittere, componere seu quietum et solutum vocare, finem, remissionem et quamcumque liberacionem solempnem facere, iura cedere, terras, domos et possessiones dicti monasterii locare et dislocare cuiuscumque persone de qua dicto sindico videbitur et pro ea pensione et ad illud tempus de quo seu qua dicto sindico visum fuerit et dictum monasterium et bona ipsius obligare et instrumentum exinde conficere et cetera, ut in ipsa procuratione per me notarium infrascriptum vissa et lecta plenius continetur et legitur, plenam et irrevocabilem securitatem facio ego donnus Guillelmus de Lomello monacus et procurator suprascripti monasterii Sancte Marie de Iubino cum meis successoribus tibi Cecilie relicte et sole comissarie Iacobi Çapani habitatrici Candide et tuis successoribus de toto illo affictu magno vel parvo quod suprascriptus Iacobus Çapani defuctus condam vir tuus vel tu pro ipso suprascripto monasterio dare debebas pro affictu medietatis casalis nomine Cato Trifona de iure dicti monasterii quod suprascriptus Iacobus vir tuus habebat ad affictum a dicto monasterio de annis VI ellapsis usque nunc. Nunc autem et cetera. Sub pena consueta et contractu firmo. Testes Nicolaus Piçolo sartor et Nicolaus Alexii. Complere et dare. Non.