Ο Σήφης Σκλάβος μισθώνει από τον Giovanni Pisano 50 κατσίκες για τα επόμενα 3 χρόνια. Το ετήσιο ενοίκιο ορίστηκε στα 8 υπέρπυρα και θα καταβάλλεται σε δυο δόσεις.

Die XII intrante. Manifestum facio ego Sifì Sclavus habitator in castro Adanati quia recepi a te Iohanne Pissano condam Iohannis Catalioti habitatore Candide pecudes L bonas et iuvenes magnas a lacte ad electam ad meum [libit]um, quas habere et tenere debeo nomine affictus ad omnes meas expensas amodo usque ad annos III prius venturos. Et pro affictu ipsarum debeo tibi dare omni anno yperpera in Creta currentia VIII silicet medietatem per totum quemlibet mensem aprilis et aliam medietatem per totum quemlibet mensem iunii, sub pena dupli pro quolibet termino. Completo vero termino suprascripto debeo tibi hic in burgo in Candida tuas suprascriptas pecudes bonas et iuvenes magnas a lacte ad electam dare et presentare vel pro ipsis yperperis XX, omni occasione remotta. Sciendum est quod si guera superveniret in insula Crete ante complementum dicti termini, si voluero tibi dare et presentare tuas suprascriptas pecudes, teneris ipsas recipere. Hec autem et cetera. Testes Petrus de Vigonça, Iohannes Greco et Matheus Mudacio et Phylipus Marino. Complere et dare. Solvit.