Summary
Ο Pietro Viadro, πληρεξούσιος του Marco Muzanico, βεβαιώνει τον Giovanni Muzanico ότι έλαβε τα 532 υπέρπυρα και 9½ grossi που αντιστοιχούσαν σε ποσότητα χαλκού και κασσίτερου που ανήκαν στον Μarco.
Text
Die VIII intrante. Per virtutem et potestatem unius commissionis carte testate et roborate manu Iohannis Magno plebani Sancti Simeonis apostoli et notarii anno ab incarnatione domini nostri Ihesu Christi millesimo CCC quarto, mense marcii, die X exeunte, indicione secunda, Rivoalti, in qua committendo commissit Marcus Moçanigo de confinio Sancti Cassiani de Veneciis michi Petro Viadro et Francisco fratri meo ut ex tunc in antea pro ipso et suo nomine plenam virtutem et potestatem haberemus ambo simul et quilibet nostrum in cuius manu ipsa commissionis carta apparuerit inquirendi, interpellandi, placitandi, respondendi, advocati interdicta et precepta tollendi, legem petendi et consequendi atque excuciendi omnia sua bona que habet Iohannes Muçanico seu aliquis haberet ab eo, vel intromittendi cum carta et sine carta, per curiam et extra curiam et securitatis cartas et omnes alias cartas oportunas in dicto facto faciendi sicut ipsemet presens facere posset, promittens ratum et firmum habere quicquid inde simul vel divisim duxerimus faciendi et cetera ut in ea plenius continetur et legitur. Plenam et irrevocabilem securitatem facio ego suprascriptus Petrus Viadro procurator suprascripti Marci Muçanigo, quia in manibus meis dicta commissionis carta apparuerit, cum meis successoribus tibi suprascripto Iohanni Muçanigo et tuis heredibus de yperperis in Creta currentiis DXXXII et grossis VIIII ÷ que tu habuisti de ero et stagno quod habuisti nomine dicti Marci Moçanigo. Nunc autem quia tu de suprascriptis yperperis DXXXII et grossis VIIII ÷ me nomine dicti Marci bene et perfecte appacasti et deliberasti, amodo igitur in antea et cetera. Sub pena consueta et contractu firmo. Testes Phylipus Sanuto, Andreas Simeon et Hemanuel Venetando. Complere et dare.
