Ο Domenico Baiardo έλαβε ως άτοκο δάνειο από τον Pietro de Bellamor 25 υπέρπυρα τα οποία θα του εξοφλήσει όταν θα λάβει τα 45½ υπέρπυρα που του χρωστάει ο magister Marco, σύμφωνα με παλιότερο συμβόλαιο.

Die XII intrante. Manifestum facio ego Dominicus Baiardo riparius curie cretensis habitator Candide quia recepi a te Petro de Belamor habitatore Candide yperpera XXV que michi prestetisti causa amoris. Que vero suprascripta tua yperpera tibi solvere debeo de illis denariis quos michi debet dare magister Marcus medicus de una manifestationis carta yperperorum XLV ÷ salva in terra. Verumtamen ego teneor placitare dictam cartam super bona ipsius magistri Marci in toto et per totum sicut ordinare volueris. Et de omni eo quod exigetur pro ipsam cartam primitus debeo extrahere dicta yperpera XXV que tibi teneor dare et de toto residuo debeo tibi dare totam et integram medietatem, alia medietate michi retenta. Et si de dicta carta non habebitur aliquid, non teneor tibi restituere aliquid de predictis yperperis XXV. Sub pena yperperorum XXV et in sua permaneat firmitate. Testes Franciscus Venerio et Hemanuel Venetando. Complere et dare. Non.