Καταχώριση της βουργεζίας και των βιλάνων, τα οποία ανήκαν στην Candiana σύζυγο του Domenico da Chioggia και περιήλθαν στον Pietro Vassalo μετά την αγορά μιάμισης σερβενταρίας.

Possessiones predicte sergentarie unius et dimidie sunt iste, secundum divisionem factam inter eamdem Candianam et sorores ipsius. Advenit itaque in parte et divisione predicte Candiane ex terra et domibus de civitate supradicte milicie secundum quod infra continetur. Hec est divisio Candiane uxoris M. de Clugia. Habet sergentariam I÷ cum duabus domibus et coquinis earumdem, que sunt extra curiam, que reddunt iperpera VI, et suam quam habuit per gratiam de Alberto de Mestre, et illas tres domos de curia, ubi stat Nicola Quirino, cum illa curia, remanente quarta domo, que est versus ponente in parte Marchesine sororis sue, secundum quod dividitur una ab alia; et sit scapula dicta Candiana de omnibus dimissoriis et debitis, que continentur in testamento et aliis cartis. Que quidem domus non habeant introitum nec exitum per duas dictas primas curtes, videlicet Rodulfi et Marchesine, et dicta Candiana non possit trahere suos serçentes de domibus, nisi finiant suos terminos. Et muri de domibus sint comunes in laborerio utriusque partis, exceptis illius de curte, verumtamen siquis voluerit laborare super murum communem et laboraverit, et alius eciam postea super dictum murum voluerit laborare, debeat satisfacere alie parti de medietate quod constiterit ille murus illi qui prius laboraverit et fecerit murum. Et dicta Candiana non habeat partem de masaratico tam equis quam armis. Actum anno Domini MCCLXXV, mense octubris, die X exeunte, indicione IIIIa. Alias vero possessiones pertinentes predicte sergentarie uni et medie prefati Petri Vaxallo extra civitatem positas invenies scriptas in divisionibus factis inter ipsum Petrum Vaxallo et consortes predicte milicie ut in precedentibus continetur. Isti sunt villani qui venerunt in parte predicti Petri Vaxallo pro iamdicta sergentaria sua una et media. Iohannes Marthi. Michali Marthi et Vaxilli Marthi eius filii.