Ο δούκας Κρήτης Vitale Michiel παραχώρησε στον Raffaele Natale του Lorenzo μισή καβαλαρία στο χωριό Δαμάνια, την οποία αγόρασε από τον Pietro Trunzane.

Nos Vitalis Michael consiliarius cretensis et rector Candide damus et concedimus Raphaeli Natal filio quondam Laurencii Natal et eius heredibus mediam miliciam in suprascripta milicia de Damania, quam ei vendidit Petrus Tronçane cum habenciis et pertinenciis suis omnibus et villanis. Ipse vero tenetur eam servire personaliter. Iuravit itaque fidelitatem domino nostro duci Veneciarum secundum tenorem concessionis militum cretensium. Hec igitur per nos et successores nostros rata et firma volumus perpetuo permanere. Actum anno MCCLXXXXI, mense marcii, die XV exeunte, indicione IIIIa.