Ο Nicola Nigro νοικιάζει από τον Marco Faletro έναν κήπο και ένα αμπέλι στο χωριό Σκιλλούς για τα επόμενα 5 χρόνια. Ως ετήσιο ενοίκιο για τον κήπο θα δίνει 7 ½ υπέρπυρα και για το αμπέλι το μισό της παραγωγής σε μούστο και καρπό. Παράλληλα, θα δίνει τα προβλεπόμενα ετήσια κανίσκια και αγγαρείες.

Die X exeunte. Manifestum facio ego Nicolaus Niger habitator in casali Sichilu quia recipio ad affictum a te Marco Faletro habitatore Candide unum çardinum et unam peciam vinee de iure tue partis milicie Sichilum. Quod çardinum habebat et tenebat Iohannes filius papatis Petri et vineam tenebat Nicola Sirimbari. Quod çardinum et vineam habere et tenere debeo amodo videlicet in antea usque ad annos V prius venturos cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias meas utilitates in eis et ex eis faciendi usque ad complementum dicti termini, nemine michi contradicente. Quod çardinum et suprascriptam vineam debeo omni anno per tempora congrua bene et convenienter aptare, cerpire, çapare, scafiçare, catavoliçare et eam lachiçare si necese fuerit et eam inculmine tenere et conservare omnibus meis expensis. Et pro affictu ipsius çardini debes michi dare yperpera VII ÷ sub pena dupli pro quolibet termino. Et pro affictu ipsius vinee debeo tibi dare omni tempore vindemie super patiteriο totam et integram medietatem tocius musti et fructus ex dicta vinea provenientem, alia medietate michi retenta sub pena dupli pro quolibet termino. Item debeo tibi dare omni anno tua canischia et facere tibi tuas angarias sicut faciunt alii franci ipsius tui loci, sub pena dupli pro quolibet termino. Completo vero termino suprascripto debeo tibi suprascriptum tuum çardinum et suprascriptam peciam vinee tibi inculmine refutare sub pena yperperorum XX et in sua permaneat firmitate. Testes Angelus de Riço et Petrus Spagnolo. Complere et dare. Non.