Ο Emmanuele Verivo, ο Emmanuele Mazamordi και ο Emmanuele Simenachi έλαβαν στον Χάνδακα από τον Giovanni Pentulo 750 soldi denariotum και συμφωνούν να του τα παραδώσουν στην Κωνσταντινούπολη, τα μισά 15 μέρες μετά την εκφόρτωση των εμπορευμάτων που μεταφέρονται με το πλοίο του Pentulo και τα υπόλοιπα σε άλλες 15 ημέρες.

Die eodem. Manifestum facimus nos Hemanuel Verivo, Hemanuel Maçamurdi filius quondam Michele Maçamurdi et Hemanuel Simenachi filius Iohannis Simenachi de suo consensu omnes habitatores Candide quia recepimus a te Iohanne Pentulo de confinio Sancti Severi de Veneciis soldos denariorum venecialium grossorum DCCL quos nobis dedisti hic in Candida in nostris utilitatibus faciendis. Quos suprascriptos tuos denarios debemus tibi dare in Constantinopoli silicet medietatem ipsorum infra dies XV postquam nostra mercimonia fuerint discaricata in Constantinopoli, que debes nobis aportare in Constantinopoli cum una tua tarita nomine Maria que nunc est in portum Candide ad presens itura in Constantinopolim et aliam medietatem usque ad alios XV. Quam solucionem tibi facere debemus de grossis denariorum venecialium a grossis XII pro quolibet soldo vel tot yperperos auri recti et iusti ponderis Constantinopoli quot ascenderint suprascripti DCCL soldos denariorum venecialium grossorum. Tamen suprascriptum tuum habere debet esse in tuo tali periculo maris et gentis clarefacto quali erit dicta tua tarita et mercimonia ipsius tarite. Ad tenendum te ad quem vel quos nostrum volueris in toto vel in parte. Hec autem et cetera. Testes Phylipus Belli, Adam Otoneli, Franciscus Grimaldi et Michael Maçamurdi. Complere et dare. Solvit.