Ο Stefano de Ancona νοικιάζει στον Albano Baudino μια κατοικία του στον βούργο του Χάνδακα, την οποία έχει νοικιάσει από τον Nicola Vilioni, για τα επόμενα 3 χρόνια, αρχής γενομένης από τον ερχόμενο Αύγουστο. Καταβλήθηκε το συνολικό ενοίκιο ύψους 21 υπερπύρων.

Die eodem. Manifestum facio ego Stephanus de Ancona habitator Candide quia cum meis heredibus do, concedo atque afficto tibi Albano Baudino habitatori Candide suprascripte et tuis heredibus illam domum positam in burgo Candide, quam habeo ad affictum a Nicolao Vilioni, que est iuxta tuam canipam, a primo die mensis augusti proxime venturi in antea usque ad annos III prius venturos, cum plena virtute et potestate intromittendi, habendi, tenendi, possidendi, affictandi et disfictandi et affictum inde recipiendi et omnes alias tuas utilitates in ea et ex ea faciendi usque ad complementum dicti termini, nemine tibi contradicente. Quam domum debeo aptare facere quandocumque necesse fuerit et inculmine tenere et conservare omnibus meis expensis. Sciendum est quod de affictu ipsius domus predictorum trium annorum secundum pactum inter nos habitum michi dedisti et persolvisti yperpera XXI de quibus te securum reddo in perpetuum et quietum, sub pena yperperorum X et in sua permaneat firmitate. Testes Udoricus Speciale et Andreas Simeon. Complere et dare. Solvit.