Ο Paolo Donno βεβαιώνει τους πληρεξούσιους της μονής των Φραγκισκανών (Fratres Minores) στον Χάνδακα ότι έλαβε 262 ½ υπέρπυρα, από τα 1000 που ο Vicenzo de Militibus είχε αφήσει με τη διαθήκη του για να δοθούν σε εκείνους τους οποίους είχε ζημιώσει οικονομικά.

Die eodem. Plenam et irrevocabilem securitatem facio ego Paulus Donno fìlius quondam Petri Donno habitator Candide cum meis heredibus vobis omnibus procuratoribus conventus fratrum Minorum de Candida et vestris successoribus de yperperis in Creta currentibus CCLXII ÷ que michi dedisti de illis mille yperperis que Vicencius de Millitibus ad obitum suum per sui testamenti cartam dimissit, que deberent dare illis qui poterint legittime probare quod ipse Vicencius habuisset de suo malo modo in preiudicio anime sue et quod hoc esset in discretione guardiani fratrum Maiorum Candide, lectoris eiusdem ordinis et fratris Petri Cremonensis eiusdem ordinis. Que quidem yperpera CCLXII ÷ michi dedistis de predictis mille yperperis de voluntate et consensu predictorum guardiani, lectoris et fratris Petri pro eo quod legittime probavi coram ipsis quod dictus Vicencius habuit a me ad affictum medietatem unius mee millicie de Sythia pro yperperis CCCCL usque ad annos III et recepit introitus et redditus ipsius mee medietatis millicie I anni et qui introitus fuerunt yperpera CCLXII ÷ et in capite ipsius anni ego dedi sibi suum capitale et recepi in me dicta mea media millicia. Nunc autem quia vos de suprascriptis yperperis CCLXII ÷ de voluntate et consensu predictorum guardiani, lectoris et fratris Petri pro ipso lucro quod a me habuit de ipsa mea media millicia ipsius anni me bene et perfecte appacastis et deliberastis, amodo igitur in antea vos securos reddo in perpetuum et cetera. Insuper autem promittens promitto cum meis heredibus vobis et vestris successoribus quod si aliquo tempore inventum fuerit et probatum quod dictus Vicencius potuit legittime accipere et habere dictum lucrum sive dictos redditus et introitus ipsius medietatis millicie ipsius anni, quod teneor reddere vobis dicta yperpera CCLXII ÷ infra I mensem postquam hoc factum fuerit et probatum. Sub pena consueta et contractu firmo. Testes Laurencius Barbadico, Ν Gradonico Claudus et Andreas Simeon. Complere et dare. Solvit.