Η Leonarda Contarini, κόρη του ποτέ Leonardo Contarini, βεβαιώνει τον αδελφό της Antonio ότι η πατρική και μητρική τους περιουσία μοιράστηκε, έλαβε όσα προβλέπονταν και υπολείπονται 100 υπέρπυρα τα οποία θα πρέπει ο Antonio να αναγνωρίσει ως χρωστούμενα σε νέο συμβόλαιο και να της τα δώσει μέχρι τον ερχόμενο Αύγουστο.

Die eodem. Plenam et irrevocabilem securitatem facio ego Leonarda Contarino filia quondam Leonardi Contarino habitatrix Candide cum meis successoribus tibi Antonio Contarino fratri meo dilecto filio quondam eiusdem Leonardi Contarino habitatori in eadem Candida et tuis heredibus de tota nostra fraterna societate et de quantocumque tibi ad dicendum vel inquirendum habui vel habeo tam paterno quam materno iure vel debito hereditatis vel propinquitatis seu successionis, nec non de quacumque insimul vel divisim habuimus vel acquisivimus et nobis habere pertinuit paterno, materno, fraterno iure vel debito hereditatis, propinquitatis, successionis et testamentario iure ac etiam de tota illa dimissoria magna vel parva quam Helena quondam mater nostra michi ad obitum suum per sui testamenti cartam dimissit. Et insuper et desuper omnibus ab innicio usque modo et insuper tu cum tuis heredibus a me meisque successoribus divisus et difinitus es, amodo desuper omnibus tu cum tuis heredibus securus et quietus permaneas in perpetuum quia nichil inde remansit et cetera, preter yperpera C que michi ad dandum remansisti, de quibus michi fieri fecisti unam manifestacionis cartam testatam et roboratam manu infrascripti notarii, factam hoc eodem anno, mense, die et inditione suprascriptis, que michi solvere debes per totum mensem augusti proximum. Nunc autem et cetera. Sub pena consueta et contractu firmo. Testes Iohannes Vido, Iohannes Leocari et Çordan de Riço. Complere et dare. Solvit.