O Donato de Pavia λαμβάνει ως συνέταιρο τον Nicola de Molino για να καλλιεργούν από κοινού το αμπέλι που έχει νοικιάσει ο Donato από τον Giacomo Lolino, για όσο διάστημα έχει συμφωνηθεί, και να μοιράζονται τα έξοδα και την παραγωγή.

Die eodem. Manifestum facio ego Donatus de Pavia habitator in castro Petrichiefali Francisci de Molino cum meis heredibus tibi Nicolao de Molino habitatori in dicto casali quod recipio te socium in illis vineis Iacobi Lolini de la Raghi quas michi et Marine Casiolo quondam affictavit, que in me solum remanserunt, amodo videlicet in antea usque per totum tempus per quod ipsas vineas a dicto Iacobo Lolini habere et tenere debeo. Quas vineas tu et ego tenemur aptare omni anno in temporibus consuetis sicut teneor dicto Iacobo Lolini, ponendo tu medietatem omnium expenssarum et aliam medietatem ego. Et ego omni anno tempore vindemie super patiterio de mea medietate ipsarum vinearum tu debes habere totam et integram medietatem et aliam medietatem ego. Item teneris in omnia et per omnia in aptationem dictarum vinearum et inculmine eas tenere et consarvare sicut ego et eas in culmine refutare. Sub pena auri librarum quinque et in sua permaneat firmitate. Testes Petrus de Vigonça et Andreas Simeon. Complere et dare. Non.