Καταχωρίζεται ότι, μετά από απόφαση του δόγη της Bενετίας Giacomo Tiepolo, ο δούκας Κρήτης Giovanni Belegno παραχώρησε στον Marco Falier του Pangrazio δύο καβαλαρίες, οι οποίες ανήκαν στον εξάδελφό του, Giacomo Falier. Σημειώνεται ότι η δεύτερη καβαλαρία ανήκει στο σεξτέριο της Santa Croce.

Hec milicia concessa est Marco Faletro, filio Pancracii Faletro, sub tempore domini Iohannis Belligno, rectore Crete. Anno MCCXL, mense decembris, indicione XIIIIa, sicut in litteris domini ducis continetur. Ego Blasius Baronci, plebanus et cretensis curie cancellarius, iussu domini rectoris predicta scripsi. Hec est forma litterarum domini ducis Veneciarum. Iacobus Teupulo, Dei gratia Veneciarum, Dalmacie atque Chroacie dux quarte partis et dimidie tocius imperii Romanie, viro nobili et preclaro de mandato suo duci aut rectori Crete suoque consilio fidelibus suis dilectis salutem et dilectionis affectum, ad peticionem viri nobilis Marci Faletro nostri fidelis dilecti duas milicias, que fuerunt Iacobi Faletro consanguinei eius, que vocatur lo Serki et lo Monestirachi, concessimus recipiendum et habendum. Unde ipse nobis iuravit concessionem et capitulare obediencie et varnicionem. Quare vobis per nos et nostrum consilium districte sub debito iuramenti precipiendo mandamus quatenus varnicionem ex eisdem miliciis ab illis personis vel persona, que ibidem sunt pro eodem, infra duos menses ex quo has nostras litteras recipietis penitus recipere debeatis secundum morem et bonam consuetudinem illius terre. Data in nostro palacio, die XIIII intrante, mense septembris, indicione XIIIIa. Altera eius milicia est in sexterio Sancte Crucis.