Ο Giovanni Zancaruolo διορίζεται καστελάνος Καινούριου και στον Giovanni da Molin ανανεώνεται η θητεία του ως καστελάνου στο κάστρο Πεδιάδας για τις υπηρεσίες που και οι δύο έχουν προσφέρει μέχρι τώρα στην Κρήτη για τη Βενετία. Απορρίπτεται η πρόταση για τον διορισμό του Lorenzo Fin ως γραφέα στην υπηρεσία ελέγχου αρτοποιίας του Χάνδακα.

Die VI aprilis. Item cum nobilis vir Iohannes Çancarol fuerit ferritus in servicio nostri comunis .... et alibi gessit se multum laudabiliter et bene et steterit ibi mensis XI in carceribus asperis substinendo aflictationes et non modica dampna et expenses captum fuit pars quod fiat sibi gratia quod sit castellanus castri Novi de insula nostra Crete per duos annos cum sallario et condicionibus consuetis exceptis taberna. Item cum per ducham et consiliarios Crete misse fuerint littere domino duci petendo et suplicando ad peticionem universitatis castri Pediadhe de insula nostra Crete quod dignaremur virum nobilem Iohannem da Molino, qui fuerat castellanus dicti castri, recommendando eum multum constitutum et confirmare in castellania dicti castri per V annos, quia de hoc fieret maius servicium comuni quam ipsi, cumque ipsa universitas Pediadhe nobis miserit eciam suas litteras denotando nobis laudabilem portamentum ipsius Iohannis et fructuosum et suplicando nobis quod eum dignaremur constituere castellanum suum per V annos, cui intendebant de sallario providere maiorem, cognoscentes quod non poterat bene transire de sallario quod habebant castellani. Capta fuit pars quod sibi fiat gratia quod sit castellanus dicti castri Pidiadhe per V annos cum sallario et condicionibus consuetis absque taberna. Verum si illi de Pidiadha voluerint ei de maiore sallario providere, debeant ei providere antequam intret regimine castri cum beneplacito tamen duche et consiliariorum Crete. Item cum ponetur pars quod Laurencius Fin esset scriba officii panatarie de Candida ad beneplacitum dominii. Capta de non.