H καβαλαρία στο χωριό Mάλες, η οποία ανήκε στον Andrea Corner περιήλθε στο δημόσιο γιατί ο ιδιοκτήτης της δεν εκτελούσε τη varnitio. Mετά από διαβεβαίωση του παραπάνω Andrea ότι θα εκτελεί εγκαίρως τη varnitio, η καβαλαρία παραχωρήθηκε και καταχωρίστηκε στο κατάστιχο στον γιο του, Alessio, καθώς ο Andrea κατείχε ήδη τον ανώτατο επιτρεπόμενο αριθμό φέουδων.

Nos Iustinianus Iustiniano ducha Crete cum nostro consilio notum facimus universis quod, cum suprascripta kavalaria de Malis fuerit nobilis viri Andree Cornario de domo maiori et devenisset in comuni iam dudum propter defectum varnicionis, et propter formas nostrarum commissionum talia feuda que non serviunt liceat nobis dare illis quorum faciunt vel aliis quibus nobis videtur qui vellint ea servire, et dictus nobilis Andreas Cornario cuius fuerat ipsa milicia se offeret illa velle varnire, si eam sibi dare vellemus, habentes convenientius illam eidem cuius fuerat dare quam alteri illam ei duximus concedendam, et cum sibi scribi non posset, quia habebat ultra feuda que possent habere milites, propterea de voluntate ipsius suprascriptam miliciam per nos ducham et dominum Barbonum Mauroceno consiliarium damus et concedimus Alexio Cornario filio dicti nobilis cum omnibus suis habenciis, pertinenciis et villanis. Quam quidem miliciam ipse Alexius tenetur defendere et varnire personaliter secundum usum. Et iuravit fidelitatem domino nostro duci, nobis et successoribus nostris, capitulare obediencie, concessionem et varnicionem et cetera capitula. Actum anno Domini MCCCXX, mense augusti, die secundo, indicione tercia. Ego Iacobus de Iordano de mandato dicti domini duche et consiliariorum predicta scripsi.