Summary
Ο παπάς Γεώργιος, οικονόμος και διαχειριστής της μονής Σιναϊτών του Χάνδακα, εκμισθώνει στον Νικηφόρο Κοντογιώργη όλη τη γη και τα αμπέλια που η μονή κατέχει στο χωριό Σκλαβοβάθεια για πέντε χρόνια. Ταυτόχρονα του πουλά ένα βόδι και ένα γαϊδούρι έναντι 21 υπερπύρων, τα οποία θα αποπληρώσει σε τέσσερις δόσεις.
Text
Die VIII intrante. Manifestum facio ego papa Georgius yconomus et procurator loci seu monasterii Synaytorum de Candida quia cum meis successoribus do, concedo atque afficto tibi Nikyforo Condogorgi habitatori in casali episcopatus Kyronensis et tuis heredibus totam terram et vineam, quas dictum monasterium ad Sclavovathia habet, a modo usque ad quinque annos complectos, tempore pacis, cum omni plena virtute et potestate intromittendi et cetera, secundum usum. Pro affictu itaque suprascripte terre dare et solvere debes a mense iulii proxime venturo in antea omni anno, tempore messionis, mensuras boni furmenti cretensis XXV, conductas ad suprascriptum locum tuis expensis. Et pro affictu vinee suprascripte dare et solvere debes suprascripto monasterio medietatem tocius musti et fructuum super patitirium. Teneris dictam vineam tuis omnibus expensis cerpire, capare, catavoliçare, scaphiçare et lachiçare et inculmine conservare et eam facere custodire. Sciendum est quod, si interim guera publica supervenerit inter Latinos et Grecos ita quod ibi et loca vicinia non possent sciminari, habitari nec colli, de suprascripto affictu non tenearis. Preterea sciendum est quod tibi dedimus bovem I et somarium I, pro quibus a modo usque michi aut meis successoribus dare debes yperpera XXI per hos IIII terminos infrascriptos, scilicet in quolibet mense iulii proximo yperpera V, aut tantum de bono furmento cretensi, quod tunc ascendat usque ipsa yperpera V, secundum quod vendetur in area et quolibet mense setembris per decimam indicionem yperpera V, aut tantum de bono vino puro cretensi, quod ascendat usque ad tua suprascripta yperpera quinque et dimidium, secundum quod vendetur in patitirio et de suprascripta vinea donec ero solutus de predictis yperperis XXI. Rogatus complere et dare. Testes Marinus Porco et Iohanninus Pino
